LALAKI: Sino Ka Sa Buhay ng BABAE?

Lalaki- Makisig. Matipuno. Matikas. Magandang lalaki. 

Mga positibong katangiang pisikal na mahahanap at makikita sa isang nilalang na mula sa angkan ni Adan.

Ikaw ba ay nilalang para pagsilbihan?
Ikaw ba ay nilalang para saluduhan?
Ikaw ba ay nilalang para tingalain?
Ikaw ba ay nilalang para sundin?

Siguro nga. Dahil ikaw ang unang nilalang ng Dyos, una kesa babae. At ang babae ay kinuha lamang sa parte ng iyong tadyang para buuin bilang iyong kapareha. Ikaw na syang nakakalamang, higit na mataas, higit na magaling, ikaw na syang isinasaalang-alang para sundin ng karamihan, ikaw na syang dapat paglingkuran ng babae.

Saan ang sinasabing pagkakapantay-pantay (equality)? Bakit ikaw na lalaki ang tinuturing na superyor higit sa babae. Hindi ba maaaring magkapareho lamang?

Lalaki, ano ka sa buhay ng babae?

Hindi ba ikaw ang dapat magsilbi sa kanya?
Hindi ba ikaw ang dapat mag aruga sa kanya?
Hindi ba ikaw ang dapat na umunawa sa kanya?
Hindi ba ikaw ang dapat na mag alaga sa kanya?
Hindi ba ikaw ang dapat na magpasaya sa kanya?

At higit sa lahat....
Hindi ba ikaw ang dapat na magmahal ng todo sa kanya?

Bakit? Bakit maraming wasak na puso dahil sayo lalaki? Huwag mong sabihing ikaw ang unang sinaktan ng babae. Huwag mong sabihing dapat kang yukuan ng babae kahit alam mong meron kang ginawang mali. Huwag mong sabihing ikaw pa rin ang nararapat sundin. Hindi sa lahat ng pagkakataon. Dahil kahit pa ikaw ang unang nilalang, kahit pa ikaw ang nakakahigit, dapat mo pa ring iparamdam sa babae ang respeto at pagmamahal na karapat dapat sa kanya.



Huwag mong samantalahin ang kabaitan ng babae, ang pagmamahal na iniuukol sayo, huwag mo syang ituring na parang alipin na sunod sunuran sa lahat ng gusto mo. Hindi lang sya ang dapat na umunawa. Higit ikaw ang dapat na syang gumawa sa bagay na yan. Tandaan mo, mas mahina man ang babae kesa sayo sa pisikal na katangian, mas malakas pa rin sya sa mga bagay bagay pagdating sa emosyon at ibang katangian kesa sayo.

(I just want to insert here the status i posted on my facebook wall about girls)

"Ang mga babae, madaldal/mabunganga." Oo, wala talagang tigil ang bibig nila sa pag-rachada sa kakasalita. Lalo na sa tuwing pinapaalala nila sayo na oras na para inumin ang iyong gamot, kapag nagtatanung sila kung kumain ka na ba, kapag ginising ka nila sa umaga upang hindi ma-late at sa mga pagkakataon na nag-aalala sila sayo at tinatanung kung nasaan ka na at bakit hindi ka pa umuuwi. Walang duda, madaldal nga. Hayaan mo na, balang araw, siguro magbabago din sila. Tipong maririnig mo lang ee "Oo", "Hinde" at "Pwede". Para kayong naglalaro ng Pinoy Henyo. Romantic siguro ng buhay nyo nun. "Ang mga babae, mashadong sentimental." Sinabi mo pa. Tandang tanda nga nila ang petsa at lugar kung saan kayo unang nag-date, isinulat niya din sa kanyang diary kung ano ang mga ginawa ninyo, nakatago at ingat na ingat siya sa mga larawan nyong dalawa, daig pa niya ang Smithsonian sa pag-aalaga ng mga iniregalo mo at kahit kailan hindi niya nalilimutan ang mga importanteng okasyon tulad ng anniversary, monthsary, weeksary o birthday mo. Nakaka-inis ba? Ok lang yan, malay mo next time, hindi na siya ganun. Tipong i-aasa na lang niya sa Facebook ang iyong kaarawan. Tapos tamang post na lang sa wall mo ng "hapi bday". "Ang mga babae, emosyonal." They cry about movies. They get teary with a romantic novel. They blush and gasp upon seeing a picture of a cute dog or a cuddly baby. Bakit ba ganun sila? Buti na lang tayo hindi. Kinikimkim lang naten lahat ng emosyon sa loob hanggang sa sumabog at atakihin sa puso o di naman kaya ee magpapakalasingtapos magwawala at maghahamon ng wrestling. Di ba mas logical un? Madalas pa mag-imagine na ikakasal kayo sa simbahan. Lagi nag a-iloveyou, imissyou, take care at mwah mwah sa text. Asar ka na ba at nacocornyhan? Ayos lang yan. Darating din siguro ang time na titigil siya at isesend ang mga un sa iba. Women are probably the greatest gift to men, from God, beside beer and sizzling sisig. At para sken, women deserve all advantages, lalo na sa pag-ibig. Sana lahat ng babae ay maging masaya ang lovelife. Sana, walang babaeng heart-broken, kasi, tayong mga lalake, we're meant to pursue them and it's okay if we fail from time to time. It's the way nature intended it. Gaya ng isang leon sa usa o pag-ikot ng earth sa paligid ng araw. Mas okay kung tayo na lang ung masasaktan. Ee sila? Isipin mo, nagkakaroon sila ng "dalaw" at nababaliw kada buwan, nabubuntis at nahihirapan ng 9 months, at pinaka matindi sa lahat, kailangan pa nilang panatilihing makinis at walang buhok ang kanilang mga kili-kili. Ano ba namang pasayahin sila at gawing "scar-free" ang kanilang buhay pag-ibig. And if you are with a great gal, do everything to make her happy. Don't ever break her heart. Wag kang magpa-uto sa mga statistics, na nagsasabing, mas marami ang babae sa lalake, kaya okay lang mang-chiks. Ano pa bang gusto mo? Hindi pa ba sapat na minahal ka niya sa kabila ng iyong pagiging engot at kawalan ng Romantic DNA sa katawan? Malaki man ang papolasyon nila sa mundo, napaka-liit ng tsansang makakilala ka ulet ng katulad niya na magtya-tyaga sayo. Tandaan, pansamantala ka mang maakit ng naglalakihang pulang high-heels o maaarteng makintab na sandals, mas masarap pa ring umuwe sa nag-iisang tsinelas ng buhay mo. :)"


Nakakapagtaka, sa dami ng responsibilidad at kagandahang loob na pinapakita ng mga babae, bakit mas marami pa rin ang mga kababaihang nasasaktan?. Pero patuloy na nagtitiis, hindi dahil sa tanga sila kundi dahil sa totoong nagmamahal sila.

Ikaw lalaki, hahayaan mo bang maranasan ng babaeng mahal mo ang mga pasakit na dapat ay hindi nya nararansanan? Hindi ba maaaring kasiyahan na lamang ang idulot mo sa kanya sa kabila ng lahat ng paghihrap nya?

Lalaki, ikaw na syang sinasabing superyor, hindi sa lahat ng pagkakataon ay dapat mong pairalin ang karapatan mo bilang isang lalaki. paminsan minsan dapat mo ding ibaba ang sarili para sa babae. Paminsan mnsan dapat mong isuko ang iyong sarili sa kanya. paminsan minsan ikaw ang dapat sumunod, umunawa, magpasensya. pero higit sa lahat, hindi lamang paminsan minsan, dapat araw araw mong mahalin ang babae.